單車人新玩具(內附字幕)|TopGear Magazine HK 極速誌 topgearhk

添加 2021年08月10日
無轆不歡的你兼且各位單車人請留意,編輯阿安早陣子送舊迎新,先後賣了一部德國Canyon 的carbon road bike和一部旅行用的瑞士牌子BMC單車。等了又等了幾個月,換來一部德國網購牌子Rose bike的新玩具。這種叫做gravel bike的新類型單車,既非傳統road bike或公路車,亦非越野單車mountain bike,但一樣可以去越野,又能夠行公路,而且好適合去旅行,究竟怎樣玩法?
暫時大家未有得去外國bike tour,不過一於介紹下如何運單車去外國,bike shipping其實沒有想像中麻煩。等大家假以時日衝出香港單車徑,請記得進軍外國不再是李慧詩和黃金寶的專利。

今集先講單車硬件,下次找機會介紹適合開車去,但又少人少車的香港單車秘路。

如果各位再有興趣了解一下這部單車,不妨上官網研究,要留意Rose這個牌子在全世界都沒有代理,一定要網購: www.rosebikes.com/bikes/grave...
--------------------
Web: www.topgearhk.com
FB: topgearhk
IG: topgearhk
Driver's Club: groups/hkdri...
電子雜誌(網頁版及iPad版) bit.ly/3mF2yDD
電子雜誌(Android版) bit.ly/32a2LVO

评论

  • 先後三次帶三部不同單車去旅行嘅單車友報到 (RB : 比賽,Crosscountry : 環台,摺車 : 刻意用亞洲嘅小摺去體驗丹麥嘅道路) 你地唔出片還好,出完片真係會勾返起條癮同埋過去嘅回憶, 帶單車去旅行係好與別不同嘅事。

    • @TopGear HK 極速誌 其實唔同形式嘅旅行都有不同嘅體驗,比賽、環 X 遊、精華遊,帶嘅裝備,仲有體驗到嘅野,其實係唔一樣,每一次都係獨特又令人回味嘅。

    • 對對,會幻想自己是行走江湖的大俠,輕騎行裝,與一匹馬大地任我行,全程不用搭車,自食其力。每一寸地方都是用自己的力氣賺返來,因此對每條路每個山每個小村都特別有記憶。 如果單車加露營,好易識到單車友,圍在營地一齊吃飯傾偈,這種生活在香港很少有。

  • 好正!不論講車講單車都係咁pro! 好鍾意聽你講介紹同你興趣有關既片~

  • 好正呀。好鐘意cycling 但未試過出外國玩。🤗🤗🤗

  • 啊安這集的內容和way of presentation 很好,thx.

  • 我開頭都係玩單餅但係唔重度越野的話其實11速既單餅真係唔太好用,用汽車例子就係好似唔見左2同4波咁,3波上到半山上啪底個波就扯到red line,行高速又唔夠力上5 6波

  • giant 早5,6年都出過部crossbike,不過如果單純係香港踩公路就唔太需要買呢類車了,輕量入off road都還好。

  • 我住家附近有一間售賣石油氣的店舖,多次我踩cyclocross單車經過他店門口,石油氣佬都說要給我單車馱負兩瓶石油氣,如果踩得到的話,就話我好嘢,但我都沒有照做,咁算唔算懦夫呢?😅

    • 左右重量平均的話,會不會更易平衡呢?(小丑行鋼線原理)不過未試過,不敢妄斷。

  • 識玩點都係入多對軨😂 一對road 一對gravel

  • 正呀! 成件事好男人 我們需要「男人」「雜誌」👍🏽👍🏽!

  • 又諗起當年環台⋯⋯ 依家目標環法/ 川藏線,兩樣都有排都唔洗諗🥲

  • 你講單車同講車一樣咁專業👍🏻👍🏻👍🏻

  • 好正呀,我中意揸車又中意踩單車!睇到呢集好有親切感!喺汽車頻道睇單車😆😆😆👍🏻👍🏻👍🏻

  • 其實係d人買環法級既單車,又無考慮齒比姐

  • 我钟意4+2的旅行模式多d

  • 好好👍🏻

  • 好多嘢執,多謝!

  • Good to see you intro gravel bike which not much people know about it in asia, just got my gravel bike trek checkpoint last week ago, happy fun riding

  • 我部 SCALPEL 前後避震~都係9.6KG 咋喎~

    • @Fenix Yuk 真係好個人喜好!唔係一定XC最好,就算我呢部當年只用黎遊街用,入山有兩部AM。

    • 的確係有唔少人覺得gravel bike不如XC MTB

  • 你介紹呢架嘢,兩頭都唔到岸,捉蟲入屎忽⋯⋯講完。😩

  • 39x28 九龍坑 / 華山 / 紅花嶺都上到落到 700c x 25c 胎 (我講緊一腳上) 以前個飛輪大過25比人笑架🤣 用50/34 我哋叫做懦夫餅🤣

    • @TopGear HK 極速誌 其實踩單車係應該享受嘅!

    • @TopGear HK 極速誌 十年前最大都係27t 之後先有長波腳 28/30/32 飛輪!同埋25-12輕呀麻! 比賽鈴用胎係700x19c 架

    • 阿安:好腳力好腳力!我用36/32配搭上舊東涌道(全程斜坡1:8至1:6),剛剛好可以一腳上到伯公坳,因此只能算弱腳。 以前個飛輪大過25比人笑架>>>>原來這樣,給我的話就由得別人笑,踩單車是為自己。怕被人笑而改變自己才是真懦夫。

  • 希望亞安多D講下單車同駕駛有關嘅題材,例如駕車人仕在路上遇到單車嘅時候應該點樣互相忍讓同溝通,單車在馬路上應該有咩要注意等等

  • 小人小車...布袋澳/黃石海下啦

  • 估唔到係單車L

  • 清水灣郊野公園單車唔入得架,會比漁記出告票

    • 我就係咁樣推入去中左告票,啲法例on9到爆炸,嗰次同屋企人野餐,私家車泊大澳門士多踩單車入去,跟住推入公園就比人告左,仲串我話拆左頭碌就唔係單車,係貨物

    • 收到。這條法例耐人尋味,在郊野公園或不少公園「管有」單車,即使沒有踩踏,只是推入去,甚至揹在背脊,一樣犯法。但是在行人路推動電單車,又或在食肆身懷香煙卻又沒有犯法。

  • 其實我部roadbike都已經裝左46/30餅拖11-34飛輪,就係為左爬牆

  • 介紹下你個Endurace please..

    • 阿安:性價比極高之選,以同一重量及零件級別的碳纖架而言,算是便宜,甚至可以便宜過Giant。造工不差,車架由噴油到接駁位都找不到什麼瑕疵。零件亦不弱雞,例如我那部就用了兩片式的吸震seatpost,效用都幾明顯。Endurace缺點是齒比始終未夠低,最輕腳是前36後32(今年款好像改用了較輕腳的),同時大部分Endurace型號設計比較保守(顏色選擇普通、龍頭仍然用外露式wire)。在香港只能網購,包裝手法比Rose更安全妥當,更加送埋扭力尺。

  • 講寄倉個片段笑死。 XDD

  • 我嗰部係Giant Revolt Advance 2

    • Revolt都有考慮過呀,可惜頭叉只有一個孔位,比較難安裝旅行袋mount(需要三個孔),而且沒有位置可安裝kickstand,所以唯有作罷。

  • 呢架咪即㡳單車界嘅suv

    • 應該係鬥WRC嗰啲房車?SUV對應返會係硬尾XC mountain?

  • 嘩!原來你都鍾意單車㗎!依家我每個星期日都最小踏四十公里練氣,有機會就去瑞士踏山路睇吓風景,我以前都有去過好鬼過癮㗎!哈哈😄法國🇫🇷西班牙都唔錯㗎!我舊年剛剛現場睇完環法單車賽,佢哋真係飛咁快。

    • @TopGear HK 極速誌 個啲禮物佢哋係從車上丟比你,舊年我都拿到件E.Leclerc 衫,白底紅㸃個件同一個冰袋,我最有興趣就係睇佢哋用邊部車嚟運單車,舊年大部份都係用Skoda Otavia 旅行車,剛剛轉新款部車都好靚架!

    • 阿安:我也在法國Col du Télégraphe現場看過環法,上山的確好快。當年還有Chris Froome和Alberto Contador等單車巨星,Alberto鬥完那一屆就退休了。不過最有趣反而是比賽前大派紀念品的環節,我拿了一大袋,至於完場時疏散也很有意思,因為我是踩單車上去,因此可以第一批落山。踩單車去看環法最合味道。

  • 搞乜,以為自己開錯咗其他subscribed單車channel 嘅片🙈😅

  • Brompton乃旅行用摺車強者,可載前後行李,隨時摺埋上交通工具,至重要系有泥擋呀,你試下武嶺sir 90km 落太魯閣,成隻泥鴨咁。關於汽車,一部Benz B200車尾居然可放4部brompton,amazing.

    • @TopGear HK 極速誌 可能小布改碟剎呢

    • 武嶺sir 90km 落太魯閣>>>>勁喎!!最重要不是在煞車皮和輪胎爆炸前跳車咩?想問你是用摺車東進武嶺,再掉頭落返太魯閣,還是只玩downhill呢?(難以想像用Brompton東進)

  • 識玩就一定係Gravel, 今年我出了部 Cannondale Topstone Carbon.

  • 上斜唔用最大飛輪唔通落斜先用?上斜用中間飛輪就夠,咁要後面再大果幾塊飛輪做乜?擔泥呀?

    • @TopGear HK 極速誌 都唔使話上武嶺咁長...上東涌道肯定想隻飛輪有咁大得咁大

    • 如果用一部最低波34-28齒比的RB上武嶺,對絕大部分單車人來講用最大飛輪都未夠。所以並不是說用最大飛輪是錯,而是最大飛輪都未夠皮。怎知他們未夠皮呢?看他們的腳頻慢到........就知了。

  • 介紹得好好👍🏾啊安。繼續努力

  • 等你介紹香港好踩路線!

  • I like this video, thank you so much

  • LIKE~!!!!!不過想問你用咩碼錶?? 會唔會攪TG單車團!??haha~~

    • 阿安:要去外國旅行,因此一定要用有導航的。之前的Garmin Edge 1000,firmware update之後每每湧出新問題,之後再等新update把問題解決,又帶來了另一批新問題,無止境地輪迴再輪迴。最慘烈一次是去歐洲長途旅行時中途忽然無法連接GPS衛星,時斷時好,回港後在討論區發現不少人在那段時間都有類似經歷,因此決定跟Garmin這個牌子講再見。 後來換了Sigma ROX 12.0(香港沒有得買,要網購),當堂穩定了,而且內置了全球地圖下載功能,無需駁電腦。主要缺點是在陽光下的畫面不夠Garmin清晰,以及輸入自訂路線或個人喜愛點時無法修改名字。 哈,單車團嘛,等個天安排(即是有緣能相聚)。

  • 呢集超正!!!!!👍👍👍💪💪💪

  • 正啊

  • 平時操車入石澳食早餐都係見得三幾個外國人踩gravel,疫情之前去台灣包支援車重點上咗梅山36彎,西進武嶺,陽明山,不厭亭,天池,翠峰湖,RB設定前46/30後11-32飛輪進可攻退可守,講真除咗去台灣環島或外國單車旅遊之外gravel bike香港真係冇嘜市場!

    • 會不會是大部分香港單車人都較少去外國踩?若只在香港玩車,gravel未免高不成低不就;當帶同行李在外國長途旅行,gravel才有用武之地。 前細後大的RB波牙只是近年才出現,總覺得Shimano太後知後覺了。

  • 早年剛環完沖繩就爆COVID了.......

  • 越嘢road bike 其實出咗好多年不過香港一直好似唔係好流行

    • 其實買完部左仔gravel bike先發覺香港根本無gravel路好踩,就算返大陸都係石屎路多

    • 香港單車鋪大多數都係睇三大賽有出場嘅車款先會出到貨

    • @Matthew Ho 明白,而且cyclocross的齒輪比始終偏向於高波,所以長途旅行的話,還是gravel bike比cyclocross更合適。

    • @TopGear HK 極速誌 cyclocross係為比賽而設計,gravel bike就係純粹為咗冒險而設,最大分別嘅就係前者車架幾何要符合UCI規定,而且車架好少會有為長途旅行而設嘅行李架

    • 如果是指cyclocross的話,香港的確不太流行,可能只是離地距或BB比較高,以及geometry有點不同,其餘都跟road bike太接近。

  • 3:25 所以果支水多數只用作洗手洗車用 3:45 隨時停車太爽了, 有D地方無野比你挨的

    • 的確是,歐洲很多山上的公路都很難找地方倚靠單車,路的左邊是山崖,右邊先有一條坑(可能是用來排水的),條坑的右面才是山坡。把載滿行李的單車推落條坑,拉返上來會好重。同時當海拔太高,超過了樹線,根本沒有樹可供倚靠。

  • RB友+1

  • 第一時間諗,咁樣CROSSOVER法,點解唔正正經經玩MB 😂

    • 碎石路/泥路,用唔著mtb套避震,但又想有RB咁多hand positions

    • 阿安:以前我都踩MTB,試過上武嶺和阿里山,連續上山好易斷氣。另外歐洲不少行山徑同時都可以合法踩單車,而且很多路徑都是碎石路,完全不像大欖環塘那麼多樓梯大石。

    • 咁又兩回事,坦白講,真係叫做 GRAVEL 嘅路香港就唔多,所以你會覺得佢多餘,不過睇返歐美國家嘅地方,例如啲國家公園咁,真係草地同碎路為主而又唔係啲咩大坡道嘅路,咁樣又無可能拎部軟架 MTB 去嘅姐

    • MB幾何唔太適合長時間扯馬路(坐得太直), 旅行有D時候就係要趕路...

  • RB友表示G持

  • 可唔可以分享吓外國司機有無好似香港咁個個都想車死d 單車仔咁🥲

    • @TopGear HK 極速誌 嘩!Alps 個邊呀!洗費同風景當然壯觀啦!我都係仲意 Pyrenees ,無禁離地, 不過我都有去Lausanne 個頭,Vevey 同 Montreux, 順便拜訪一下亞Freddie Mercury,哈哈!

    • ​@Ben Leung Pyrenees也踩過,在Col d'Aspin、Col du Tourmalet等留下過胎紋,不過還是覺得Alps和Mount Ventoux壯麗奇偉得多。

    • @TopGear HK 極速誌 荷蘭過比利時再到法國行海岸線係無咩高山,但法國西班牙邊界就有好多等別係Pyrenee,有機會帶你走一轉。

    • @Jeff KL 做人係要互相尊重,但97後好似呢兩個字完全消失咗!所以咪有今日嘅情況囉!其實去外國踩單車都睇你好唔好采,一樣係有啲傻人唔尊重單車手,我以前都係日本試過比後面部車響安,原因係Toll Road 入錢慢,不過我都無理佢。

    • 阿安:哈,已經去了不少次了,近十年的長假大都花在外國單車上。 由荷蘭去西班牙,如果走直線和儘量避開山路,其實也不算太艱辛?

  • 秘路,講左出來就唔秘的啦

  • 好想去台灣環島😫

    • 我都環過,之後每年都有新動行,台灣環島 -> 沖繩環島 -> 西藏(滇藏線)

    • 阿安:Me three!第一次去台灣踩車,是參加Giant的環島團,大部分參加者都是台灣人,跟他們一齊在路上渡過十日,非常難忘,特別是在台東北上時遇上強勁北風,要輪流頂風才能寸進,也有少運動的台灣女生踩到流眼淚,最後卻踩畢全程。

    • me too!